Gazetari i njohur zbulon çfarë do të ndodhë në mbledhjen e Asamblesë mes socialistëve: Shtatori do të jetë muaji më i nxehtë, në lojë futet edhe SPAK

0
342
Zjarr Televizion Ad This is a sample article. ...

Gazetari Lavdrim Lita ishte i ftuar këtë të hënë në Euronews Albania, ku zbuloi detaje nga mbledhja e Asamblesë Kombëtare e Partisë Socialiste që pritet të mbahet më 4 shtator.

Në fjalën e tij gazetari theksoi se gjatë punimeve të Asamblesë, do të plotësohen postet vakante të sekretariateve në Partinë Socialiste, por do të ketë dhe ndryshime në kabinetin qeveritar.

Lita theksoi se kryeministri Rama është i pakënaqur nga puna e disa ministrave dhe këtë e ka shprehur në rrethin e ngushtë të tij.

Sipas tij shtatori do të jetë i nxehtë si nga pikëpamja politike, por edhe nga goditjet e pritshme të SPAK.

“Asambleja e 4 shtatorit do të jetë për përmbushjen e sekretariateve dhe postove vakante në Partinë Socialiste. Më pas do ketë lajmërime për ndryshime në qeveri, të cilat unë modestisht i kam paralajmëruar pasi këto janë diskutuar brenda Partisë Socialiste dhe në rrethin e ngushtë të kryeministrit Rama. Janë disa ministri që nuk janë me ritmin e duhur dhe që kryeministri ka vendosur t’i zëvendësojë. Asambleka e PS vjen 2 ditë pas Kuvendit të Partisë Demokratike. Pra nga pikëpamja politike shtatori do të jetë shumë i nxehtë, por nuk është vetëm politika por është edhe SPAK që do të interferojë me politikën. Pritet që dosjet e sterilizimit të thellohen në hetime, si inceneratorët dhe sterilizimi”, tha Lita.

Zjarr Tv Ad