Lulzim Basha, kryetari i shkarkuar ka paditur sot në SPAK, dy deputetë dhe dy sekretarë të PD. Ata akuzohen për veprën penale të “Falsifikimi i vulave, i stampave ose i formularëve” i kryer në bashkëpunim, parashikuar nga Neni 190 paragrafi i 2 dhe 25 i Kodit Penal.
Menjëherë pas këtij nuk kanë vonuar reagimet për këtë lëvizje. Sipas aktivistit, Gjorg Kodra, nëse ka person që ka falsifikuar vulën e stampën është ai që ka përpiluar kallëzimin e dorëzuar në SPAK. Sipas të njëjtit, kjo nuk është e vetmja vepër penale në kallëzim.
Kodra shkruan në një status në rrjete sociale se Gazment Bardhi, hartuesi i kësaj padie ka kryer veprën penale të kallëzimit të rremë
“Në fakt nëse ka person që ka falsifikuar vulën e stampën është ai që ka përpiluar këtë kallëzim. Madje, kjo nuk është e vetmja vepër penale në këtë dokument. Gjithashtu deputeti Bardhi ka kryer veprën penale të kallëzimit të rremë dhe kryerje të funksionit pas dhënies fund të tij”, shkruan Kodra.
