Nga Gent Strazimiri
Nëse ka “dy Amerika”, një e Ardian Dvoranit dhe një e Frank Shkrelit, unë zgjedh këtë të dytën sepse është ajo e tim gjyshi, e tim eti!
Është Amerika e ditëve më shpresëdhënëse të jetës sime, filimisht si ëndërr e çartur nën realitetin e “Ardian Dvoranit”, e pastaj si çartje e një ëndrre reale…
Zgjedh Amerikën e një patrioti, shqiptar e amerikan njëkohësisht, që për shkak të Amerikës së tij, jetoi e jeton si misionar i lirisë, i fjalës së lirë e dinjitetit të burrit e të shqiptarit.
Për të mbrojtur Amerikën e Frank Shkrelit ia vlen çdo sakrificë sepse është “foleja” ku gjyshërit dhe etërit “fshehën” dëshirën për liri, me të cilën na ushqyen pak e nga pak në ilegalitet…
Sepse në kohën e Ardian Dvoranit, liria ishte ilegale… si Amerika!
Mbrojtjen deri në fund ia kemi borxh Amerikës së Fran Shkrelit, sepse falë besimit tek ajo;
* guxuam të ngrihemi në 1990 – 1991, pavarësisht se ende s’e kishim takuar;
* qëndruam në 1997-2005, pavarësisht se dikush e kishte eklipsuar, dhe;
* drejtuam kombin, deri aty ku as ne s’e prisnim, në 2005 – 2013, kur erdhi në Tiranë e na shtrëngoi duart!
Për Amerikën e Frank Shkrelit, paguaj çdo çmim, njësoj si për LIRINË!
