Sekretari i Përgjithshëm i Partisë Socialiste, Damian Gjiknuri, ka prezantuar në Shkodër drejtuesen politike të PS për këtë qark Edona Bilali. Gjiknuri në këtë takim shoqërohej nga deputeti Blendi Klosi.
Në një deklaratë për media, ai u shpreh se PS është një parrti që nuk pret zgjehdjet për t’u organizuar.
Në lidhje me pyetjen nëse PS është e gatshme që t’i ofrojë PD ndryshimet e reformës territoriale që kërkon Basha, ai tha ““Jemi në një proces jo vetëm prezantimi të drejtuesve të rinj, por edhe një analize elektorale që do t’i shërbejë PS. Jemi një parti që nuk do presim zgjedhjet për t’u organizuar, por gjatë gjithë kësaj kohe do të bëjmë organizimin e nevojshëm që të përballojmë edhe zgjedhjet vendore edhe ato të përgjithshme. Ky process, është i nevojshëm pavarësisht se mund të ketë mendime të ndryshme, sa i përket organizimit. E rëndësishme është që ne kemi frymë fituese dhe do vazhdojmë që ta përçojmë këtë frymë kudo”.
