Ish pjesëtarët dhe krerët e UÇK-së, Hashim Thaçi, Kadri Veseli, Rexhep Selimi dhe Jakup Krasniqi kanë bërë një kërkesë ndaj Gjykatës së Hagës duke kërkuar lirim të përkohshëm.
Paneli i Gjykatës së Apelit ka hedhur poshtë apelet në çështjen e ish-pjesëtarëve të UÇK-së, Hashim Thaçi, Kadri Veseli, Rexhep Selimi dhe Jakup Krasniqi, duke refuzuar kërkesat për lirim të përkohshëm.
Kjo është bërë e ditur përmes një njoftimi për media të publikuar në faqen zyrtare të Dhomave Speciale, njofton RTK.
“Të premten më 30 prill 2021, paneli i Gjykatës së Apelit nxori katër vendime me të cilat hodhi poshtë apelet e parashtruara nga Hashim Thaçi, Kadri Veseli, Rexhep Selimi dhe Jakup Krasniqi kundër katër vendimeve përkatëse të Gjykatësit të Procedurës Paraprake me të cilat ai refuzoi kërkesat e tyre fillestare për lirim të përkohshëm”, thuhet në njoftimin e Speciales.
