87-vjeçari, i dobët, u ndihmua fizikisht nga ndihmësit në sallën e kinemasë, për të parë premierën në Rusi të një dokumentari të ri mbi jetën e tij, reformat e tij sovjetike në vitet 1980 dhe kontrollin e armëve që ndihmoi në përfundimin e Luftës së Ftohtë. Ai foli shkurtimisht në një sallë kinemaje në Moskë pas “Takim me Gorbachev”, një dokumentar i ri i drejtuar nga regjisorët Werner Herzog dhe Andre Singer dhe u pyet nëse bota do të përballet me një luftë të re të ftohtë.
“Ne duhet të qëndrojmë prapa,” tha ai. “Dhe jo vetëm nga Lufta e Ftohtë. Ne duhet të vazhdojmë kursin që kemi hartuar. Ne duhet ta ndalojmë luftën një herë e përgjithmonë. Më e rëndësishme është të heqim qafe armët bërthamore”, u shpreh Gorbachev.
Gorbachevi, shëndetëi i të cilit ishte dukshëm në kontrast të thellë me figurën e fuqishme reformiste që ai krijoi në vitet 1980, tha se bota po lëvizte në mënyrë të rrezikshme më pranë një gare të re të armëve.
