Grabitja në Rinas/ Zbulohen lidhjet e ngushta të kompanisë së sigurisë me kupolën e PS-së

0
112

Grabitja e Rinasit e ndodhur ditën e martë, 9 prill, në orën 15:00 ka shkërmoqur si një kala rërë, shtetin e Edi Ramës dhe policinë e drejtuar nga Sandër Lleshi.

E gjithë struktura e ruajtjes së rendit ka dështuar, ndërsa ministra e drejtorë po mundohen të hedhin lumin, duke ia hedhur fajin koncesionarit kinez të Aeroportit të Rinasit.

Që nga Edi Rama, tek ministrat Lleshi e Balluku, e drejtorët e vegjël prej tyre kanë vendosur që fajin për grabitjen të ja hedhin Kinezëve duke mos mbajtur asnjë lloj përgjegjësie vetë.

Shteti në Shqipëri duket se nuk ekziston dhe këtë e vërtetoi ky fakt.

Por një tjetër fakt që nuk përmendet në deklaratat e tyre është kompania që ka për detyrë të sigurojë aeroportin e Rinasit.

Është kompania ICTS e cila merr 5 euro për çdo qytetar që kalon në Rinas, por nuk siguron asgjë. Pse Rama dhe vartësit e tij nuk e përmendin këtë kompani, që ka dështuar në sigurinë e Rinasit në çdo grabitje.

Shumë e thjeshtë, administratori dhe një nga aksionerët më të mëdhenj me 30 për qind, është avokati i Partisë Socialiste Eno Bushi. Bushi gjithashtu njihet edhe si avokati i pilotit italian Giorgio Riformato, i cili në vitin 2015 u rrëzua me avionin e tij në Divjakë.

Këtë e ka bërë të ditur mbrëmjen e djeshme në emisionin ‘Opinion’ edhe ish-kreu i Emergjencave Civile, Shemsi Prençi.

Por nuk mbarojnë këtu lidhjet e kupolës së PS-së me Kompaninë ICTS.

Bashkëshortja e Eno Bushit, Joana Bushi është drejtoreshë e ANTA-s, Agjencisë Nacionale të Trafikut Ajror.

 

Përpara se të bëhej drejtoreshë, Joana Bushi, ka qenë shefe kabineti e Belinda Balluku, kur kjo e fundit drejtonte ANTA-n.

Siç tregojnë zyrtarë të kësaj agjencie, Joana Bushi bënte dhe bën ligjin në ANTA dhe vetëm me lejen e saj mund të hysh si VIP në aeroport.

Ne foto ekstrakte te kompanise ICTS, pergjegjese e sigurise ne Rinas./ Syri.net/