Kryeministri Edi Rama ka dhënë një intervistë për televizionin amerikan “Neësmax” ditën e sotme, teksa ndodhet në Nju Jork në kuadër të Asamblesë së Përgjithshme të OKB-së.
Rama është pyetur për ndikimin e luftës në Ukrainë, sulmin kibernetik nga Irani, ndërsa ish-ambasadori gjatë qeverisjes së Donald Trump, Richard Grenell nuk ka kursye komplimentat ndaj tij.
Teksa e ka pyetur për librin e Ramës me piktura, se ku mund ta gjejnë amerikanët, Grenell e ka quajtur Ramën si artist të mrekullueshëm”. Kryeministri i është përgjigjur me modesti.
Grenell: Zoti Rama kam një pyetje serioze
Rama: Ju gjithmonë keni pyetje serioze
Grenell: Për talentin tuaj, jeni një artist i mrekullueshëm. A është ai libër prezent në SHBA?
Rama: Nuk e di si mund të jetë fjala artist i mrekullueshëm e përshtatshme në këtë qytet, ku ka shumë artistë të mrekullueshëm, por kam pasur nderin të ftohem dhe të ekspozoj punën time në Maria Goodman Gallery, që është zemra e artit bashkëkohor dhe punët e mija janë ende aty, kështu që kushdo mund të shkojë dhe t’i shohë.
