Grezda: Duam gjashtë pikë në dy sfidat e para

0
5

Viti 2019 nuk ka nisur në mënyrën më të mirë për Eros Grezdën. Sulmuesi u dëmtua në fazën përgatitore me Gllasgou Rejnxhërs dhe vetëm pas dy muajsh u kthye të fushën e lojës. Po ashtu, ai është ftuar nga Kristian Panuçi për dy ndeshjet e para në eliminatoret e Euro 2020 kundër Turqisë dhe Androrrës dhe shpreson të shpërblejë të gjithë besimin.

“Pata një periudhë shumë të vështirë në dy muajt e fundit, u ktheva pardje dhe ndihem shumë mirë. Gjatë kohës që kam qenë i lënduar kam punuar. Kemi lojtarë cilësorë, të cilët janë në formë. Do të bëjmë makismumin, trajneri do të bëjë zgjidhjet e veta”, ka thënë Grezda. I pyetur për pikët që duhet të marrë kombëtarja kuqezi në dy ndeshjet e marsit, sulmuesi nuk bën zbritje. “Duhet të shkojmë për gjashtë pikë, pasi luajmë më Turqinë në shtëpi dhe me një ekip me të vogël se vetja. Në Europianin e fundit kemi bërë shumë mirë, dhe këtë herë do të bëjmë të njëtën gjë kemi një grup shumë të mirë, duam të bëjmë gjithë kombin krenar”, ka thënë futbollisti kuqezi.