Zëvendëskryeministri i Kosovës Driton Selmanaj, ka lënë përshtypje të madhe dje me deklaratat e tij kundrejt kryetarit të qeverisë, Avdullah Hoti.
Fillimisht, ai ka treguar se kishte preferuar që të shkonte në emision vetëm pa shofer, dhe pa sigurim.
“Erdha vetë, sepse edhe shoferët, sigurimi… kanë nevojë për pushim dhe kanë familje. Nuk e kam në qejf të rrethohem nga shumë njerëz, edhe pse më thonë se duhet të kem kujdes, edhe pse nuk i dëgjoj shumë ata të mbrojtjes së afërt. Nuk i kam borxh askujt, në politikë kam hyrë me qëllime fisnike dhe do të dal nga politika ashtu”, ka thënë Selmanaj.
Gjatë intervistës, ai ka treguar se ushqimi i preferuar i Hotit kur e merr nga shtëpia, janë sendviçët.
“Nuk han nëpër restorante, madje nganjëherë në zyrë më lut edhe mua”, ka thënë Selmanaj.
