Komisioni i Rithemelimit të Partisë Demokratike ka vendosur hapjen e aplikimeve për kandidatët që duan të garojnë për kryetar të kësaj force politike.
Kandidaturat për kreun e Partisë Demokratike janë hapur ditën e sotme dhe do të pranohen deri në datën 7 maj, në mesnatë. Ish-kryeministri Sali Berisha ka deklaruar se do të jetë mes kandidatëve, ndërsa emra të tjerë të përfolur janë ata të Edvin Kullurit dhe Fatbardh Kadillit.
Njoftim për media nga Komisioni i Organizimit dhe Kontrollit të Operacioneve Elektorale:
Në bazë të Statutit të PDSH dhe Vendimit Nr. 2 të Kuvendit Kombëtar të PDSH, të dt. 30 prill 2022, Komisioni i Organizimit dhe Kontrollit të Operacioneve Elektorale njofton:
Afati i paraqitjes së kandidaturave për Kryetar të PDSH është dita e shtunë, datë 7 maj 2022, ora 12.00.
Dokumentacioni dorëzohet pranë Komisionit Organizimit dhe Kontrollit të Operacioneve Elektorale në Partinë Demokratike dhe përban:
- Kërkesë me shkrim, shfaqje interesi për kandidim;
- Curriculum Vitae;
- Formularin e plotësuar të pastërtisë së figurës.
