Haradinaj: Pretendimet territoriale, e jo taksa, e kanë bllokuar dialogun!

0
6

Kryeministri i dorëhequr i Kosovës, Ramush Haradinaj ka deklaruar se pretendimet territoriale e kanë bllokuar dialogun dhe jo vendosja e taksës.

Në një status në Facebook, ai thotë se vetë kryeministrja Ana Bërnabiç, ka deklaruar se “Njohja e Kosovës në kufijtë ekzistues është vijë e kuqe mbi të cilën Serbia nuk do të kalojë”

Statusi i Ramush Haradinajt

Pretendimet territoriale, e jo taksa, e kanë bllokuar dialogun!

Njohja e Kosovës në kufijtë ekzistues është vijë e kuqe mbi të cilën Serbia nuk do të kalojë, paska thënë Kryeministrja e Sërbisë, Ana Bërnabiq.

A po e shihni se Taksa nuk e ka bllokuar dialogun, por aspiratat territoriale të Serbisë ndaj Kosovës! E po Kosova është shtet sovran me këta kufinj, ndërkombëtarisht të njohur dhe të pandryshueshëm, dhe sa më parë ta kuptojë ketë fakt lidershipi në Serbi, është më mirë për ta!