Hetimet për vdekjen e kapitenit të Fiorentinës, dyshohen mjekët

0
6
Zjarr Televizion Ad This is a sample article. ...

Prokuroria e Firences ka mbyllur hetimet për vdekjen e kapitenit të Fiorentinës, Davide Astori, të ndodhur më 4 mars 2018 para ndeshjes me Udinesen. Dy mjekë janë vënë nën akuzë për vrasje të qëllimshme. Bëhet fjalë për mjekun Francesco Stagno, drejtor i Institutit të Mjekësisë të sportit të Cagliarit, dhe mjekun Giorgio Galanti, drejtor mjekësor i Qendrës Referuese për Mjekësinë Sportive të Aoiuc të Firence Careggi. Sipas hetimeve, dy mjekët janë përgjegjës sepse për shkak të një kombinimi të shkaqeve mes tyre të pavarura, ata kanë provokuar vdekjen e Astorit duke shkelur “protokollet kardiologjike për gjykimin e përshtatshmërisë për sport konkurrues”. Konkretisht Stagno akuzohet se i kishte lëshuar Astorit në korrik 2014 një certifikatë të përshtatshmërisë për sportet konkurruese, në të cilat u vërtetua mungesa e kundërindikacioneve përkundër faktit që hetimet treguan se në provat e sforcos ishin verifikuar dy ekstrasistola ventricolare të izoluara që nuk ishin përmendur në raport.

Ndërkohë ndaj Galantit, prokuroria kundërshton lëshimin për Astorin e dy certifikatave të ndryshme të përshtatshmërisë për praktikën e futbollit konkurrues në korrik 2016 dhe në korrik 2017 pavarësisht se sipas hetuesve ishin shfaqur aritmi kardiake në provat fizike. Stagno dhe Galanti gjithashtu akuzohen se kanë dështuar për t’i bërë ish-kapitenit të Fiorentinës teste të tjera diagnostikuese më të thella mbi origjinën dhe shkaqet e ekstrasistolave, në mënyrë që të përjashtonin “Cardiopatia organike” apo “sindromin aritmogen”. Për prokurorinë, nëse patologjia ishte diagnostikuar ndërsa ishte në një fazë fillestare, do të kishte mundësuar ndërprerjen e aktivitetit konkurrues të Astorit dhe përmes trajtimeve me ilaçe sëmundja do të ishte ngadalësuar dhe kështu të parandalonte fillimin e “aritmive ventrikulare malinje”.

 

 

Zjarr Tv Ad