Zëvendësministrja e Mjedisit dhe Turizmit, Ornela Çuçi është shkarkuar nga detyra. Vendimi është marrë nga Këshillii Ministrave. Çuçi e mbante këtë post që prej vitit 2017.
“Në mbështetje të nenit 100 të Kushtetutës dhe të pikës 2, të nenit 6, të ligjit nr. 9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave VENDOSI: Znj. Ornela Çuçi, zëvendësministër i Turizmit dhe Mjedisit, lirohet nga kjo detyrë. Ky vendim hyn në fuqi menjëherë”, thuhet në vendim.
Kujtojmë se pas ngjarjes së Himarës ku një drejtues policie përplasi me skafin e tij vogëlushen 7-vjeçare Jonada Avdia, qytetarë të shumtë kanë dalë në protestë duke kërkuar shkarkimin e ministres së Turizmit Mirela Kumbaro.
Të pasigurtë dhe të indinjuar, protestuesit i bënë ‘ultimatum’ Ramës që të shkarkonte ministren Kumbaro, ministrin e brendshëm Çuçi dhe drejtuesin e policisë në Himarë.
Burimi:FaxWeb.al
