Jemi mësuar që diplomatët dhe zyrtarët t’i shohim teksa qëndrojnë në kornizat e tyre të seriozitetit, si në takimet me ndërkombëtarët, me figura të rëndësishme të politikës, njësoj dhe në fotot që shkrepin me ta.
Të kollarisur dhe seriozë, ambasadorët, deputetët dhe njerëzit e politikës pozojnë për fotot zyrtare ashtu si dhe pozicioni ja kërkon. Por, ky nuk është rasti i ambasadorit të vendit tonë në SHBA, Ervin Bushatit i cili ka vendosur që të “thyejë kornizat” dhe të pozojë ashtu si ai dëshiron.
Njëjtë si atëhere kur nuk mbante veshur kostumin e ambasadorit dhe tani, Bushati s’ka ndryshuar. Mjafton të hedhim një sy te profili i tij në “Twitter”, dhe shohim dhjetëra fotot të Bushatit, krah njerëzve më me ndikim në politikë, si përshembull presidenti i SHBA-së, Joe Biden dhe shumë politikanë të tjerë, dhe ajo çfarë na bie më sy është qëndrimi i tij në foto, buzagaz duke shijuar postin e ambasadorit.
