I riu shqiptar humbi jetën në burg, ja çfarë thotë Ministria e Jashtme për rastin

0
148
Zjarr Televizion Ad This is a sample article. ...

Mentor Rexha humbi jetën në një burg në Lorient të Francës, ende në rrethana të paqarta. Shtetit francez thotë se i riu është vetëvrarë ndërsa të afërmit e tij ngrenë dyshime se është vrarë, kjo pas konstatimit të shenjave të dhunës në trup.Lidhur mbi rastin ka reaguar edhe Ministria për Europën dhe Punët e Jashtme. përmes një njoftimi për shtyp.

MEPJ sqaron se sipas autoriteteve të policisë franceze, Rexha është vetëvrarë në ambientet e burgut francez gjatë natës së 31 janarit 2020.

Po ashtu ministria sqaron se Ambasada shqiptare në Francë është njoftuar nga të afërmit e të ndjerit ditën e diel, (2 shkurt), dhe që nga ajo ditë e në vazhdim, shërbimi konsullor i Ambasadës ka qenë në kontakt të vazhdueshëm me familjarët e tij, për të mundësuar vendosjen e kontakteve me qendrën penitenciare të Lorient, si dhe për të lehtësuar udhëtimin e njërit prej familjarëve të tij nga Italia në Francë.

“Ambasada shqiptare në Francë njofton se, që nga momenti i njohjes me ngjarjen, ka përcjellë nga afër çdo praktikë ligjore dhe ka qëndruar në kontakte të pandërprera me familjarët e shtetasit shqiptar, Mentor Rexha.

Ditën e shtunë, datë 8 shkurt 2020, të afërmit mundën të vizitojnë trupin e të ndjerit. Gjatë kontaktit me Ambasadën shqiptare, ata shprehën dyshime lidhur me shkaqet e vdekjes së tij. Bazuar në këto pretendime, Ambasada shqiptare në Francë ka kërkuar informacion suplementar nga autoritetet franceze mbi ngjarjen dhe ka sugjeruar që paralelisht familja e të ndjerit të kontaktojë një avokat për ndjekjen e çështjes nga ana ligjore.

Ambasada është në pritje të një informacioni zyrtar më të detajuar nga ana e autoriteteve policore dhe gjyqësore franceze, në lidhje me të gjitha pretendimet dhe dyshimet e ngritura nga të afërmit e shtetasit Mentor Rexha.

Në lidhje me procedurat e kthimit të trupit të shtetasit Mentor Rexha në Shqipëri, Ambasada i ka informuar familjarët sipas legjislacionit në fuqi. Ministria për Evropën dhe Punët e Jashtme, si dhe Ambasada shqiptare në Francë mbeten të angazhuara për zbardhjen e ngjarjes me autoritetet franceze dhe kthimin e shpejtë të trupit të të ndjerit në atdhe.”, -thuhet në njoftimin e ministrisë.

Zjarr Tv Ad