Deputeti socialist Ilir Beqaj, u shpreh sot në Kuvend se; Partia Socialiste nuk do të jetë në qeveri për të numëruar mandatet, por për të mbaruar punët që ka nisur. Në fund të fjalës së tij, Beqaj bëri diferencën mes Shqipërisë së vitit 2013-të me atë që është sot, ndërsa shtoi se më pas se reformat do të thellohen, akoma edhe më shumë në vitin 2030-të.
“Nëse lexohen arsyetimet e presidentit na thuhet se po ulen tarifat. Sot të rinjtë nuk duan të bëhen marinarë sepse nuk ka mundësi. Kjo është mundësi e shtuar. Presidenti arsyeton se koha është e papërshtatshme se vendi po kalon në pandemi. Po pas pandemisë çfarë do bëjmë. Unë besoj se që në vitin 2013 ne nuk kemi ardhur për të numëruar mandatet.
Nuk kemi ndonjë sfidë për tre-katër apo pesë mandate. Ne duam të qeverisim sepse duam të mbarojmë punën që kemi nisur. Duam ta shtrijmë sistemin e vaditjes në çdo parcelë. Duam të japim libra falas deri në klasën e 12. Duam të fillojmë reformën e sistemit politik. Duam ta vazhdojmë taksimin e ndershëm. Si ishte në 2013 dhe si është sot falë mundit dhe pasionit të çdo shqiptari. Si do të jetë Shqipëria në 2030”, tha Beqaj në fjalën e tij.
