Ish-drejtuesi i krimeve të rënda, Eugen Beçi, ka paralajmëruar se nëse të dhënat e sistemit “Memx” bien në duar të gabuara, atëherë do të krijohet një kaos social.
Ai u shpreh se nga ato që ka parë, nuk mendon se lista është pjesë e MEMEX, pasi sipas tij në këtë sistem ruhen të dhëna tepër të ndjeshme, duke shtuar e duhet të përgatisin publikun për atë se çfarë e pret.
“Në rast se sistemi është hakeruar, ne duhet të përgatisim publikun çfarë na pret dhe si të ruhemi. Sistemi MEMEX shpesh ruan edhe të dhëna të skanuara, në rast se del në njerëz të gabuar, do krijojë kaos social, grupet kriminale janë të skeduar në MEMEX, me prova të skanuara, të gjitha këto e bëjnë këtë një sistem shumë delikat për të dalë në terren, duke parë ato që kanë dalë sot, mendoj se nuk është MEMEX…”, u shpreh prokurori në “Open”.
