Ish-zëvendësministri i Shëndetësisë Klodian Rjepaj ka dëshmuar sot në Strukturën e Posaçme Kundër Korrupsionit lidhur me koncesionin e sterilizimit.
Kjo është hera e dytë që Rjepaj dëshmon përpara hetuesve lidhur me koncesionin me vlerë 100 milionë dollarësh, ndërsa konsiderohet si një person kyç për këtë çështje të dyshuar korruptive.
Rjepaj ishte mbështetës i këtij koncesioni duke insistuar se ishte i nevojshëm pasi mos-sterilizimi i mjeteve kirurgjikale kishte sjellë rritjen e ndjeshme të infeksioneve. Një prej pikave që po hetohet është fryrja e dyshuar e kostove të koncesionit.
Lidhur me këtë çështje, më herët në SPAK ka dëshmuar edhe anëtari i Komisionit të Koncesionit, Saimir Kadiu.
Prej tre vitesh koncesioni i sterilizimit të seteve kirurgjikale është nën hetim.
