Prej disa ditësh vendi ynë është përfshirë nga moti i ftohtë me temperatura nën zero, dëborë dhe ngrica, që pritet të vijojë deri në fillim të javës së ardhshme.
Fatmirësisht, deri tani nuk ka patur incidente për shkak të motit të keq. Megjithatë Instituti i Shëndetit Publik i bën thirrje qytetarëve të tregojnë kujdes, si dhe shpërndan disa këshilla.
Përdorni veshje të ngrohta, pulovra të trasha, xhupa rezistente ndaj erës dhe shiut, kapele, doreza, këpucë kundër ujit.
Hidhni rërë ose materiale të tjera të rekomanduara në zonat ku ka ngricë.
Lexoni rregullat e sigurisë për ambientet e jashtme.
Lëvizni ngadalë kur kryeni punë dhe detyra në ambiente të jashtme.
Dilni të shoqëruar dhe merrni një kuti të ndihmës së shpejtë kur merrni pjesë në aktivitete të jashtme.
Mos harroni të merrni celularin”, thuhet në postimin e ISHP-së.
