Policia italiane ka sekuestruar 2 ton kanabis në provincën e Ferrarës. Në pranga mësohet të ketë rënë një shtetas shqiptar me inicialet R.R, 19-vjeçar nga Vlora.
R.R ishte drejtuesi i furgonit që transportonte lëndën narkotike. Pasi u pikas nga karabinierët italianë ai bragtisi furgonin dhe u largua në drejtim të paditur por u arrestua vetëm disa orë më vonë në zonën bregdetare Lido di Spina në Ferrara.
Në furgon janë sekuestruar rreth 2 ton drogë të paketuar në rreth 90 thasë. Vlera e lëndës narkotike llogaritet në 20 milionë euro. Sipas hetuesve italianë, ngarkesa e drogës ka mbërritur në brigjet e bregdetit të Ravenës nga Shqipëria me destinacion shitje në tregjet e Venetos dhe Bolonjës. Ndërkohë, hetimet e policisë italiane vazhdojnë për të zbuluar rrjetin e plotë të këtij trafiku.
