Sopranoja e njohur bëri krenarë gjithë shqiptarët.
Sopranoja shqiptare me famë ndërkombëtar Ermonela Jaho, është shpërblyer më çmim nga Juria e Çmimeve Ndërkombëtare të Muzikës Klasike.
Ajo rrëmbeu çmimin e parë në kategorinë e muzikës vokale, me albumin e saj të suksesshëm “Anima Rara”.
“Sopranoja e shkëlqyer shqiptare Ermonela Jaho tregon një artistikë të shkëlqyeshme dramatike. Karizma dhe aftësia e saj për të fituar simpatinë emocionale tek dëgjuesi dallojnë këndimin e saj të jashtëzakonshëm, i cili përfiton nga një timbër shumë karakteristik dhe i njohur. Zëri i saj vazhdimisht i ngrohtë dhe i fuqishëm projektohet në mënyrë të barabartë në të gjithë gamën e regjistrave të sopranos dhe është i aftë për të gjitha nuancat e nevojshme dinamike dhe shumëngjyrëshe”. thotë juria.
