Japonia dhuron surprizën e dytë të Botërorit, Gjermania pretendente bie me përmbysje përballë aziatikëve

0
39
Zjarr Televizion Ad This is a sample article. ...

Japonia ka siguruar një fitore historike sot përballë Gjermanisë, teksa e ka mundur me përmbysje me shifrat 2-1 skuadrën e Hansi Flik.

GJERMANI 1-2 JAPONI

Gyndogan 33′ (p) / 75′ Doan, 83′ Asano

KOMENTI LIVE –

90’+8’ Mbyllet ndeshja me fitoren 2-1 të Japonisë përballë Gjermanisë.

90’+5’ Goretzka gjuan fluturimthi në hyrje të zonës, sfera përfundon jashtë katërkëndorit.

90’ Jepen 7 minuta shtesë.

90’ Gnabri i lë vendin në fushë Mukoko, pasi Flik tani orienton ekipin të hidhet i tëri në sulm.

83’ GOOOL JAPONIA! Asano bën një kontroll perfekt të topit në të djathtë dhe në pozicion diagonal mposht Nojer me një predhë.

79’ Fyllkryg dhe Gëtce hyjnë në fushë për Havertz dhe Musiala. Flik provon gjithçka për gjithçka për të shmangur një surprizë.

75’ GOOOL JAPONIA! Doan gjen barazimin pas një aksioni të shpejtë të aziatikëve

73’ Ritëm i pabesueshëm! Asano shfaqet në zonë dhe gjuan por Nojer grushton, Sakai ka në këmbë topin e 1-1 por e fluturon mbi traversë.

71’ Gonda është fantastik teksa brenda pak sekondash ngal gjuajtjet me radhë të Gnabri e Musiala duke shpëtuar portën e tij.

68’ Sakai gjen Asanon në zonë dhe ky i fundit në shtyllën e parë nga e djathta gjen bllokimin e Rydiger.

67’ Flik e kupton se skuadra e tij ka nevojë për më shumë shpejtësi dhe mbulim, ndaj largon Gyndogan e Myler, për të aktivizuar Goretzka e Hofman.

60’ Asano shfaqet në krahun e majtë të sulmit dhe lëshon një predhë të fortë, por pa gjetur katërkëndorin e Nojer.

59’ Gyndogan hyn në zonë dhe provon portën, gjen vetëm shtyllën në të majtë të portierit të Japonisë.

58’ Ito nga e djathta nis një harkim për Asano por ky i fundit nuk gjen dot rrugën e rrjetës me devijimin në shtyllën e parë.

55’ Raum nis Havertz në të majtën, portieri i Japonisë del dhe nuk kontrollon topin teksa Gjermania ka një mundësi të mirë për të rrezikuar, por më pas aksioni ndalet nga një pozicion jashtë loje.

51’ Situata zhvendoset në krahun tjetër ku Musiala i shmanget disa kundërshtarëve dhe gjuan mbi traversë.

50’ Thumbojnë edhe japonezët me një aksion në krahun e djathtë, topi i gjuajtur nga Kamada devijohet jashtë.

47’ Sulm i shpejtë i Gjermanisë në krahun e djathtë,. Gnabri gjuan por sfera fluturon lart mbi traversë.

PËRFUNDON PJESA E PARË!

45+4′ Gjermania shënon me Kai Haverc, por VAR-i akordon pozicion jashtë loje.

45′ Arbitri i katërt ka akorduar 4 minuta shtesë!

33′ GOOOL GJERMANIA 1-0! Zhbllokohet sfida, Gjermania kalon në avantazh falë golit me penallti të Ilkai Gyndogan.

31′ Ka penallti për Gjermaninë! Portieri i Japonisë, Gonda ka penguar në zonë mbrojtësin gjerman, Raum.

29′ Përsëri “pancerat” rrezikshëm, por mbrojtja japoneze mbyll gjithçka pas tentativës së Ilkai Gyndogan.

27′ Prej disa minutash, gjermanët janë duke kontrolluar lojën, por pa qenë të saktë për të shënuar.

17′ Gjermania në kërkim të golit me Antonio Rudiger, i cili godet me kokë, por topi përfundon jashtë.

8′ Japonia shënon me Maedën, por ky i fundit ishte në pozicion të pa rregullt me arbitrin anësor që ngre flamurin lart.

5′ Goditja e parë nga këndi i takon aziatikëve, pas një devijimi nga mbrojtja gjermane.

1′ Starton sfida! Përfaqësuesja gjermane shkelmon topin e parë të takimit.

Zjarr Tv Ad