Java nis me aksidente, 4 të plagosur në Elbasan dhe Lushnjë

0
14

Në orët e para të mëngjesit të sotëm, 4 persona janë plagosur si pasojë e dy aksidenteve në Elbasan dhe në autostradën Rrogozhinë-Lushnje.

Siç njofton policia në Unazë e qytetit të Elbasanit te Kryqëzimi i Kinezëve, janë përplasur 3 mjete dhe si pasojë janë dëmtuar 2 pasagjerë të cilët janë transportuar në Spital dhe ndodhen jashtë rrezikut për jetën.

Ndërsa një tjetër aksidentet ka ndodhur në fshatin Konjat në autostradën Rrogozhinë-Lushnje.

Sipas policisë një mjet “BMW” ka bërë parakalim të gabuar dhe është përplasur me një furgon, ku si pasojë dy persona mbetën të plagosur.