Juventus fiton Superkupën, mposht Milanin

0
8
Zjarr Televizion Ad This is a sample article. ...

Superkupa e Italisë edhe këtë vit i takon Juventusit, pasi mposhti me rezultatin e ngushtë  1-0 Milanin mbrëmjen e sotme në Jeddah të Lindjes së Mesme. Stadiumi “King Abdullah” ka qenë impianti që ka pritur dy gjigantët italianë për të zhvilluar këtë sfidë që zhvillohet mes fituesit të kampionatit dhe atij të kupës në Itali.Meqenëse Juventus i ka fituar të dy trofetë sezonin e kaluar, Milan merr pjesë si finalisti i Coppa Italia. Juventus e ka fituar për të tetën herë këtë kompeticion, duke iu shkëputur Milan që mbetet me shtatë.

Pjesa e parë u mbyll me rrjeta të paprekura. Bardhezinjtë arrijnë të shënojnë me Matuidin, por francezi ishte dukshëm në pozicion jashtë loje dhe goli nuk vlen.Ishte Cristiano Ronaldo ai që shënoi golin e fitores në minutën e 61’, ndërsa Kessie duhet të linte lojën para kohe për shkak të kartonit të kuq që është dhënë me ndihmën e VAR.Ky ka qenë goli i 19-të i realizuar nga portugezi në 28 finale të luajtura në total me Manchester United, Real Madrid dhe Juventus.

 

Zjarr Tv Ad