Ish-ministri i Drejtësisë, Ylli Manjani ka dalë me një reagim ironik në rrjetet sociale në lidhje me lajmin që qarkulloi mëngjesin e sotëm, se ambasadorja Yuri Kim mund të largohet nga Shqipëria, pasi është një prej kandidateve për ambasadore e SHBA-së në Korenë e Jugut.
Postimi i plotë:
“Dëgjova në radio sot se Yuri Kim mund të largohet së shpejti. Thone se do ta emërojnë diku tjetër…
Kam 2-3 orë që nuk jam i qetë. Jam i shqetësuar madje se si do na ikë kaq shpejt shoqja Kim!? Kush do emërohet ministre/ër propagande në vijim?! Nejse, në shkoftë udha e mbarë i qoftë!
Por edhe në mos shkoftë, prap udha e mbarë i qoftë! Një ditë ajo do shkojë… Periudhën e shërbimit të saj këtu do ta mbaj mend si koha amerikanllëqeve. Shpresoj që me pasuesin e saj, Amerika të rivendosë të përfaqësohet ashtu siç e kishim ndërmend kohë më parë. Në mos, punë e madhe tek e fundit. Ja morëm dorën edhe amerikanllëqeve…”-shprehet Manjani.
