Kreu i Këshillit të Lartë të Prokurorisë Gent Ibrahimi, përmes në një shkrese zyrtare i kërkon Ministrisë së Shëndetësisë, që të vaksinohen prokurorët, anëtarët e Këshillit, administrata dhe oficerët e Policisë Gjyqësore.
Ibrahimi i shkruan Ministrisë dhe kërkon që prokurorët të përfshihen në listën prioritare të personave që do të vaksinohen në vazhdim, duke qenë se më herët grupet e tjera prioritare dhe ata të riskuar janë vaksinuar. Kreu i KLP, kërkon që prokurorët dhe stafi mbëhstetës të vaksinohen sa më parë, duke u futur në skemën e vaksinimit me përparësi.
Gent Ibrahimi thotë se prokurorët kanë kontakt të vazhdueshëm dhe të afërt me shumë persona, në zyra, në gjykata, në terren, në burgje, shkruan newsbomb.al. Po ashtu, sipas tij kjo vlen edhe për oficerët e Policisë Gjyqësore dhe për stafin e administratës.
Kreu i Këshillit të Lartë të Prokurorisë, specifikon se prokurorët duhet të vaksinohen, pasi puna e tyre nuk nuk mund të ndërpritet dhe nuk mund zhvillohet online.
