Koreja e Koresë së Veriut Kim Jong-a ka mbërritur në lindjen e Rusisë për të zhvilluar samitin me presidentin Vladimir Putin.
Kim mbërriti me tren në qytetin bregdetar të Paqësorit, Vladivostok për të mbajtur bisedimet e para me Putin.
Ai u mirëprit nga zyrtarët me ceremoninë zyrtare të bukës dhe kripës.
Udhëheqësi i Koresë së Veriut përshëndeti zyrtarët rusë me ngrohtësi pas mbërritjes në Vladivostok të mërkurën (24 prill).
Pas shijimit të bukës tradicionale korovai, bukë dhe krip, Kim u argëtua nga një grup instrumentistësh para se të hynte brenda një makine të rrethuar nga truprojat.
Kremlini tha se dy liderët do të takohen të enjten pranë qytetit të bregdetit të Paqësorit, Vladivostok dhe do të flasin për “problemet bërthamore” të gadishullit Korean.
“Shpresoj se kjo vizitë do jetë e sukseshme dhe e dobishme,”-tha ai për kanalin rus Rossiya 24. “Shpresoj që gjatë bisedimeve me Presidentin e respektuar Putin, unë do të jem në gjendje të diskutoj në mënyrë konkrete çështjet lidhur me zgjidhjen e situatës në gadishullin Korean dhe zhvillimin e marrëdhënieve tona bilaterale”.
Por gjithashtu raportohet se takimi po zhvillohet pasi Kim po kërkon mbështetje nga Rusia pasi prishjes së bisedimeve me Presidentin e SHBA, Donald Trump.
Trump dhe Kim u takuan në Hanoi në fillim të këtij vitit për diskutuar programin e armëve bërthamore të Koresë së Veriut, por samiti i tyre dytë përfundoi pa marrëveshje.
Çfarë dihet për samitin?
Mediat shtetërore të Koresë së Veriut ende nuk kanë konfirmuar kohën apo vendin e takimit.
Por flamujt kombëtarë rusë dhe të Koresë së Veriut janë vendosur në ishullin Russkvik të Vladivostok, ku pritet të zhvillohet samiti.
Kim njoftohet se hyri në Rusi të mërkurën me trenin e tij privat në qytetin kufitar Khasan.
Ai u përshëndet nga gratë ruse me veshje tradicionale si pjesë e një ceremonie simbolike mirëpritje.
