Policia ka vënë në pranga një kosovar në Portin e Durrësit që tentoi të kontrabandonte paketa cigaresh me autobusin e linjës Maqedoni-Durrës-Bari.
Gjatë kontrollit në autobusin që 32-vjeçari me iniciale Q.S., po drejtonte u gjetën të fshehura në brendësi të autobusit 309 steka me paketa cigare të llojeve të ndryshme të pa deklaruara nga ana e tij.
“Gjatë kontrollit në vijën e dytë të autobusëve dhe kamionëve, në autobusin e linjës Maqedoni-Durrës-Bari, me drejtues shtetasin Q.S., kanë konstatuar të fshehura në brendësi të autobusit steka me paketa cigare të llojeve të ndryshme të pa deklaruara nga ana e drejtuesit të autobusit,”-tha policia.
Brenda autobusit ishin fshehur 309 steka me paketa cigare të markave të ndryshme (3090 paketa), kontrabandë, të cilat u sekuestruan në cilësinë e provës materiale.
32-vjeçari, banues në Gostivar, u arrestua për veprat penale “Kontrabanda me mallrat që paguhet akcizë” dhe “Tregtimi dhe transportimi i mallrave kontrabandë “.
Materialet hetimore i kaluan Prokurorisë pranë Gjykatës së Shkallës së Parë Durrës për veprime të mëtejshme.
