Xhudistja, Nora Gjakova sot arriti që të fitojë medaljen e dytë të artë për Kosovën në Lojërat Olimpike të “Tokyo 2020”.
Menjëherë pas triumfit të saj, presidentja e Kosovës, Vjosa Osmani përmes një postimi në rrjetet sociale falenderoi Norën për Medaljen e Artë e cila ka ardhur një ditë pas tragjedisë në Kroaci ku humbën jetën 10 qytetarë kosovarë.
“Në këtë dite zie për popullin tonë, Nora Gjakova i solli dritë Kosovës.
Faleminderit Nora e artë, që duke ecur rrugës së Majlindës e Distrias po i jepni motiv një populli të tërë për t’u ringritur edhe në vështirësi.
Xhudistet tona po arrijnë majat që shumë shtete i kanë ëndërruar. Ato janë epiteti më i mirë i Kosovës së ditëve tona. Përzemërsisht, ju faleminderit!”, shkruan Osmani.
Pas Distria Krasniqit është Nora Gjakova që shkruan emrin në historinë e Kosovës dhe të sportit dardan, duke u bërë e dyta për Kosovën në një Olimpiadë.
