Ministrja për Europën dhe Punët e Jashtme Olta Xhaçka ka mbërritur sot në selinë e NATO-s në Bruksel, ku do të mbahet një takim i jashtëzakonshëm i Ministrave të Jashtëm të NATO-s.
Xhaçka bën me dije përmes një postimi në Facebook, se në këtë takim do të diskutohen pasojat e agresionit ushtarak të Rusisë ndaj Ukrainës, si dhe do të konfirmohen vendet e NATO-s që vijojnë të reagojnë të bashkuar ndaj ndaj krizës më të madhe të sigurisë në Evropë që prej dekadash.
“Në Bruksel, ku po mbahet takimi i jashtëzakonshëm i Ministrave të Jashtëm të NATO. Do të diskutohen pasojat e agresionit ushtarak të Rusisë ndaj Ukrainës, duke konfirmuar se vendet e NATO-s vijojnë të reagojnë plotësisht të bashkuar ndaj krizës më të madhe të sigurisë në Evropë që prej dekadash:, shkruan Xhaçka.
Ukraina ndodhet në ditën e 9-të të luftimeve dhe sulmeve nga Rusia. Forcat ruse kanë bombarduar ndërtesa qeveritare dhe pallate banimi në Kiev dhe qytete të të tjera, duke shkaktuar viktima dhe qindra të plagosur.
