Nuk zgjati shumë dhe Italia pritet të shkojë sërish drejt kutive të votimit.
Kryeministri italian Giuseppe Conte paralajmëroi dorëqjen e tij teksa sulmoi ministrin e Brendshëm dhe zv/Kryeministrin, Matteo Salvini, duke e quajtur të papërgjegjshëm dhe shkaktarin e krizës politike në vend.
Gjatë debatit në Parlament, Conte tha se, Salvini ka në plan të parë interesat e partisë së tij.
Pas fjalës së tij, Conte do të shprehej se do ti paraqiste presidentit dorëheqjen e tij, përcjell Syri.net.
Lidhur me ngjarjet e fundit në shtetin përtej Adriatikut ka reaguar edhe anëtari i Kryesisë së PD dhe ish zv/ministri i jashtëm Kreshnik Çollakut.
Teksa bën një paralelel me Shqipërinë, Çollaku ndër të tjera shkruan se, “në Tiranë gjysma e qeverisë akuzohet e përfshirë në trafik droge…por në Tiranë askush nuk dorëhiqet”.
Postimi i plotë i Kreshnik Çollakut:
Kryeministri italian Giuseppe Conte eshte dorehequr.
Nga Shqiperia e kam shume te veshtire te shpjegoj aresyet (ne fakt kam shkruar e fshire tre here statusin per doreheqjen e Contes).
Kryeministri Conte u dorehoq per shkak te debateve me nje minister te tij.
Si ta shpjegoj une kete me nje status nga Tirana !?
(…ketu kjo duket naivitet. )
Ne Tirane gjysma e qeverise akuzohet e perfshire ne trafik droge…por ne Tirane askush nuk dorehiqet.
