“Ku është investimi 128 milionë euro në landfillin e Sharrës?!”- Kryemadhi: Alqi Bllako u dërgua përsëri në qeli, pasi…

0
20
Zjarr Televizion Ad This is a sample article. ...

Monika Kryemadhi deklaroi se rikthimi në qeli i Alqi Bllakos u bë me qëllimin e vetëm për të larguar vëmendjen nga inceneratori i Tiranës.

Përmes një interviste të dhënë për Syri Tv, Kryemadhi theksoi se ajo do të vijojë të merret me denoncimin e aferës së inceneratorëve dhe sfidoi qeverinë dhe kryeministrin Rama që t’i tregojnë investimin 128 milionë euro të bërë në landfillin e Sharrës.

“Alqi Bllako u rikthye në qeli për të larguar vëmendjen nga ajo çfarë po ndodh me inceneratorin e Tiranës. Unë do të vazhdoj të merrem me inceneratorin e Tiranës, jo vetëm me skemën abuzive të mashtrimit financiar, por dhe me kostot fiktive të inceneratorit të Tiranës.

Unë do të vazhdoj të merrem me iniceneratorin e Tiranës dhe me kostet e fryra. Nëse Edi Rama dhe Erion Veliaj, por dhe i gjithë ekipi i kësaj skeme financiare të plehrave ndihen të sigurt se kanë bërë 128 mln euro investim në landfillin e Sharrës, bujrum unë jam e gatshme që të shikoj ku është ky investim që ata kanë bërë në kontratën e lidhur në gusht të 2017-ës.

Kam menduar se prokurorët të cilët kanë kaluar vetingun, do e ndiqnin këtë çështje. Nuk mendoj se asnjë prej tyre nuk mund të shantazhohej. Çështja e inceneratorëve është kauza për të cilën Rama është kapur me presh në dorë. SPAK i ka të gjitha dokumentet, faturat që kanë kaluar në sistemin bankar. SPAK kur nuk arrin të ndalojë derdhjen e parave tek kompanitë, jo më të zbulojë pronarët që janë offshore.

Të ndalohen pagesat për inceneratorin e Tiranës. E them këtë gjë për një arsye, 10 milionë dollarë në vit, pa llogaritur çfarë paguajnë bashkitë e tjera, këto para iu grabiten qytetarëve. Këto para mund të shërbenin për uljen e çmimit të naftës, ushqimeve të shportës. Nuk pres ndonjë gjë të madhe nga SPAK, por këtë do e vazhdoj. Do vijë një moment që kjo çështje do mbarojë. Sepse borxh pa larë dhe hak pa marrë nuk ka. Është një borxh që Rama dhe Veliaj ua kanë shqiptarëve”, tha Kryemadhi.

Zjarr Tv Ad