Kulla në qendër të Tiranës/ Minxhozi: Të verifikohen letrat, politika le të fshihet pas gishtit, siç bën edhe Berisha…

0
179
Zjarr Televizion Ad This is a sample article. ...

Analisti Skënder Minxhozi ka komentuar akuzat e ngritura ndaj Sali Berishës lidhur me kullën që do të ndërtohet në mes të kryeqytetit. Projekti i quajtur “Mount of Tirana” do të ndërtohet nga “Nova Construction 2012”, me pronarë që rezultojnë të lidhur me të birin, Shkëlzen Berishën.

Në një intervistër për “News Line” me gazetaren Viol Xhafaj, Minxhozi theksoi se drejtësia duhet të hetojë akuzat e ngritura ndaj kreut të Foltores. Debatet e krijuara lidhur me këtë projekt ai i cilësoi si një zhurmë politike pasi siç theksoi analisti, projekti është miratuar prej kohësh.

“Unë si qytetar do të doja që KKT të pyesë dhe të matet para se të miratojë projekte në hapësirat e gjelbërta që po vijnë duke u tkurrur. Kjo është një çështje që tejkalon palët sepse të dyja palët janë sjellë në mënyrë pak të përgjegjshme. Pastaj se cilët financues qëndrojnë pas ha debat, kjo meriton të verifikohet. Të verifikohet në rrugë publike dhe nëse ka vend edhe në rrugë legale.

Ata që janë në shesh le të protestojnë. Ata që kanë për detyrë të verifikojnë letrat le të bëjnë gjithashtu ndërkohë që politika le të fshihet pas gishtit, siç bën edhe Berisha, i cili nuk mungon kurrë së foluri për çdo gjë që hedh hije, por në këtë rast tregohet i moderuar ndërkohë që akuzat i ka shumë konkrete si nga Basha si nga eksponentë të maxhorancës.”, theksoi analisti. “Është zhurmë politike sepse procesi ka shkuar deri në fund. Nuk di se sa i kthyeshëm mund të jetë. Dyshoj se diçka mund të kthehet pas. Kemi faktin konkret dhe real në terren që ajo hapësirë deri dje lulishte po rrethohet për të ngritur një godinë që KKT i ka dhënë me qetësinë më të madhe.”, shtoi më tej Minxhozi.

Zjarr Tv Ad