Kuvendi me 6 deputetë më pak

0
47

Tashmë parlamenti i Shqipërisë do të ketë të paktën 6 deputetë më pak.

Komisioni Qëndror i Zgjedhjeve ka deklaruar përfundimin e emrave në listën e kandidatëve të PD në Durrës, ku digjen dy mandate dhe një në Kukës. E mbyllur konsiderohet dhe lista e Fierit, ku asnjë nga renditja nuk pranoi të merrte nga tre mandatet e djegura në 21 shkurt.

Në Korçë të katër mandatet e lëna nga PD janë plotësuar me emra të tjerë që janë ulur në karrigen e deputetit. Kushtetuta përcakton se Kuvendi i Shqipërisë përbëhet nga 140 anëtarë, por për shkak të numrave të bllokimit të Gjykatës Kushtetuese, ekspertët shprehen se nuk ka një institucion që mund të interpretojë një situatë të tillë.

Paralelisht me shqyrtimin e formularëve për kandidatët e listës, KQZ po përgatit organizimin e zgjedhjeve vendore të 30 qershorit.

Deri më tani janë regjistruar dy koalicione ASE dhe Shpresa për Ndryshimin dhe 42 parti.

Në 13 maj do të përfundojë afati për regjistrimin e kandidatëve për kryetar të Bashkive dhe të listës për këshilltarë.

Përkundrejt këtij organizimi PD dhe aleatët janë protesta, duke deklaruar se nuk do të ketë zgjedhje në 30 qershor me Ramën kryeministër.