Vendi nuk po gjen qetësi nga aksidentet. Pak çaste më parë është raportuar të ketë ndodhur një aksident i rëndë në Lezhë, saktësisht tek ‘Kryqëzimi i Tales’ ku një makinë dhe një motorr janë përplasur duke bërë që si pasojë të plagosen dy persona. Të plagosur kanë mbetur, drejtuesi i motorrit dhe fëmija i tij i mitur të cilët janë dërguar menjëherë në spital ndërkohë që nuk dihen tdetaje të reja rreth gjendjes së tyre.
Njoftimi i Plotë
Lezhë/Informacion paraprak
Në aksin rrugor Lezhë-Milot,në vendin e quajtur “Kryqëzimi i Tales” mjeti tip “Fiat ” është përplasur me një mjet motoçikletë, ku si pasojë e përplasjes kanë marrë dëmtime dhe janë dërguar në spitalin Rajonal Lezhë drejtuesi i motoçikletës dhe fëmija i tij i mitur.
Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes si dhe identifikimin e personave të dëmtuar.
