Sir Alex Ferguson mori një surprizë të këndshme, kur shkoi për drekë në Manchester. Ryan Giggs, Gary Neville, Nicky Butt dhe Paul Scholes ishin të gjithë duke e pritur legjendën 73-vjeçare të “Djajve të Kuq”.
Të katër lojtarët u rekrutuan nga “Fergie” në klubin e “Old Trafford” në vitin 1992.
Ish-yjet e Manchester United e befasuan Fergusonin, duke e pritur jashtë “The Ivy”, në Manchester, për 10 minuta, para arritjes së skocezit. Dega më e re e restorantit të njohur të zinxhirit të famshëm u hap në Manchester më 27 nëntor dhe mund të presë deri në 535 mysafirë njëherësh.
Ai përfshin një dhomë private në katin e parë të ngrënies. 73-vjeçari mendoi se po e priste një drekë rastësore, para se të shihte “nxënësit” e tij të mëparshëm para restorantit. Ferguson pësoi një hemorragji në tru, në fillim të këtij viti, dhe mysafirët e tij të papritur të drekës ishin ndër ata, që i uruan shërim të shpejtë.
Ky takim vjen pasi Ferguson u ndalua nga mjekët për të ndjekur ndeshjen e Manchester United kundër Fulham, sepse ishin të shqetësuar për shëndetin e tij. Legjenda skoceze kishte parë tri ndeshje rresht të “Djajve të Kuq” në vetëm nëntë ditë, duke përfshirë edhe “dramën” 2-2 në Southampton.
