Liverpool, ka dhënë një shenjë se po kthehet në garën për titullin, duke mundur me rezultatin 3 – 1 Tottenham të enjten në Londër. Ekipi i Klopp, u shfaq më i organizuar se ai i Mourinho.
Vendasit, realizuan që në minutat e para me Son, por VAR ia anuloi për pozicion jashtë loje. Në kohën shtesë të pjesës së pare, lojtarët e Liverpool, përmbyllën me sukses.
Firmino shfrytëzoi një pasim të Mane, duke festuar golin e parë në kampionat pas thuajse 500 minutash. Me fillimin e pjesës së dytë, Alexander-Arnold, ka shënuar përsëri për Liverpool. Pak më vonë, falë Hojbjerg rezultati shkoi në 1 – 2, por lojtarët e Tottenham shpresuan më kot. Edhe Salah iu anulua një gol me sistemin VAR, pasi preku topin me dorë.
Në të 65’ Mane vendosi fitoren e miqve i ndihmuar edhe nga Alexander-Arnold. Liverpool, u kthye te fitorja pas 5 ndeshjesh dhe shikon më pranë, kreun e renditjes në Premier League.
