Kriza politike brenda Partisë Demokratike ka revoltuar edhe demokratin më të zjarrtë të “Kosheres”, Gjinin, i cili është i pozicionuar pro ish-kryeministrit Sali Berisha dhe kundër kryetarit Lulzim Basha.
Madje gjatë fjalës së tij në mbrëmjen e sotme ai e shprehte hapur revoltën për përjashtimin Berishës nga grupi i PD-së.
Në një moment ai thotë: “Çohet Lulushi në Parlament gris fletët, kur çohej Berisha të griste brekët”.
Gjini pas revoltës bën edhe thirrje nëse ka demokratë që ja dëgjojnë zërin dhe menjëherë vjen ish-deputeti Klevis Balliu. Në një çast plot humor, ai e paralajmëron se do ta puth në buzë, por më vonë e puth në ballë.
Një pjesë nga dialogu mes Gjinit dhe Balliut:
Gjini: A ka demokratë me më dëgju zonin?
Klevis Balliu: Ca ke mor Gjin? U dëgju zëri jot mo Gjin, u bashkua PD-ja.
Gjini: A mos je hije a je fantazëm?
Klevis Balliu: U mor unë jam, Klevisi i PD-së jam.
Gjini: O Klevis Balliu, o çuni Unazës së Re.
Klevis Balliu: Po ti je heroi demokracisë o Gjin.
Gjini: O Klevis Balliu, o Shote Galica e PD.
Klevis Balliu: Ti je Teuta e PD-së o Gjin.
Gjini: Mos se do të puth në buzë, do qaj për zotin. Çfarë na ndodhi kështu mo Klevis, ne demokratëve, po si do vej ky halli jonë mo Klevis.
Klevis Balliu: Ça të them unë? Na kanë qit edhe anti-amerikan tani, ne të gjithë këtu kërkojmë lotarinë amerikane çdo vit.
Gjini: Sa presidenta amerikanë ka takuar Sali Berisha, Lul Basha i ka vite në opozitë ato. O Klevis Balliu a të të puth një herë në ballë?
Klevis Balliu: Më puth ku të duash.
