Kryedemokrati Lulzim Basha, nëpërmjet një video-je të publikuar në rrjetet sociale, ka renditur dështimet e qeverisjes socialiste 8-vjeçare. Basha i është përgjigjur me anën e kësaj video-je kryeministrit Rama, i cili ditën e djeshme deklaroi përmes një video-mesazhi se pandemia dhe tërmeti, kanë bërë që të mos përmbushen të gjitha pritshmëritë e mandatit të dytë.
Gjithashtu, Basha thekson se më 25 prill, Rama do të humbë dhe Shqipëria do të fitojë.
Teksti i videos
Kemi marrë goditje të rënda dhe jemi përballur me sfida të mëdha.
E di që disa prej jush jeni të pakënaqur, që nuk janë përmbushur të gjitha pritshmëritë e këtij mandati të dytë…
As unë s’jam i kënaqur. Jo sot, por asnjëherë. Por të mos harrojmë çfarë kemi hequr…
Ju keni hequr shumë në fakt,
Aq sa keni trefishuar pasuritë
Keni rritur taksat dhe borxhin publik.
Keni i shpërdoruar 1.2 miliardë euro të shqiptarëve.
Keni kriminalizuar politikën.
Keni kanabizuar vendin.
Keni kaluar Sirinë për numrin e azilkërkuesve.
Keni lënë Shqipërinë në vendnumëro.
Keni dhënë më shumë se 2 miliardë euro me PPP.
Dhe aty ku po aktron, keni falsifikuar firmën e sekretarit amerikan të shtetit, për të fituar 20 milionë euro për 1 kilometër rrugë.
Jo, nuk do të harrojmë.
