Kryetari i Partisë Demokatike Lulzim Basha, ka postuar një video nga takimi me gratë demokrate në kryeqytet. Krah videos Basha shkruan se demokratët kanë zgjedhur të ardhmen, por sipas tij pa u bërë strehë e gabimeve dhe të metave të së kaluarës.
Ndër të tjera kryedemokrati thekson se ai ka një vizion të qartë për t’i dhënë fund tranzicionit dhe duke u bashkuar nëpërmjet vlerave me të gjithë ata që duan të kontribuojnë për të ardhmen e Shqipërisë.
“Demokratët e Degës nr. 7 në Tiranë kanë zgjedhur të ardhmen, pa mohuar në asnjë çast të mirat që kemi bërë për shqiptarët, por pa u bërë strehë e gabimeve dhe të metave të së kaluarës. Ne kemi një qëndrim të vendosur kundër korrupsionit, si armik i mirëqenies së shqiptarëve, dhe një vizion të qartë për t’i dhënë fund tranzicionit, duke u bashkuar nëpërmjet vlerave me të gjithë ata që duan të kontribuojnë me zemër për të ndërtuar një të ardhme më të mirë për Shqipërinë dhe shqiptarët”, ka shkruar Basha.
