Ish-ministri i Drejtësisë, Ylli Manjani nëpërmjet një postimi në rrjetet sociale ka komentuar qëndrimet e fundit të Presidentit Meta.
Sipas Manjanit, Meta me qëndrimet dhe deklaratat e fundit, nuk ka konfirmuar gjë tjetër veçse tregon dëshirën e tij të plotë për të qenë në krye të shtetit monist.
Ish-ministri i bën thirrje popullit që të reflektojë dhe demokracinë ta kërkojë në shesh.
Postimi i Manjanit:
“Në të dy qëndrimet e Tij publike dje, Presidenti i Republikës konfirmoi atë kemi thënë prej kohësh: Ai është kryetar i shtetit monist.
Edhe kur foli për “pseudo-intelektualët” e “pseudo-ekspertët” (dukej sikur i thërriste me pseudonim), por edhe tek biseda me Çim Pekën e konfirmoi qartë, se është me dëshirën e tij të plotë në krye të shtetit MONIST.
Sa më takon ndjehem i keqardhur për këtë metamorfozë politike të Presidentit.
Por, Kushtetutën e Republikës nuk mund ta pranoj se e mbron PUSHTETOKRACIA MONISTE.
Kushtetuta nuk është Pushtetutë. E kam thënë herët këtë gjë.
E përsëris: beteja e shqiptarëve edhe pas 30 viteve mbetet me MONIZMIN.
Është momenti që shqiptarët duhet të ndajnë mendjen njëherë e mirë se ku e shohin veten.
Kush do monizmin ti bëjë like e temena të dy kodrave të Tiranës.
Kush do demokracinë duhet të jetë në sheshet e qyteteve.
Unë nuk di rrugë tjetër.”, shkruan Manjani.
