Kryeprokurorja e përkohshme e përgjithshme Arta Marku nuk ka qenë e pranishme në seancën e Vetting-ut për vlerësimin e pasurisë, figurës dhe aftësive profesionale.
Ajo është përfaqësuar nga avokatja e saj Lirime Çukaj në seancë pasi vetë nuk ishte e pranishme.
Komisioni i Pavarur i Kualifikimit ka nisur gjykimin kreut të organit të akuzës ka nisur paraditen e sotme seancën e vlerësimit të Kryeprokurores së përkohshme, Arta Marku.
Trupa gjykuese për vlerësimin e Kryeprokurores, përbëhet nga Genta Tafa, Pamela Qirko dhe Suela Zhegu.
Tafa e cila ishte edhe kryesuesja e seancës, ka kërkuar nga avokatja e Markut sqarime për mospraninë e saj në seancë, ndërsa vëzhguesi i ONM Teo Jacobs, ka shprehur keqardhje për ketë mungesë.
Ajo që i ka rënë në sy trupës gjykuese ka qenë një masë ekstreme dënimi e kërkuar nga Marku gjatë kohës kur ka qenë prokurore në Shkodër në vitin 2016.
Është mësuar se Marku ka kërkuar masën e sigurisë arrest me burg për një shtetas me inicialet A.B. që akuzohej për drejtim mjeti në mënyrë të parregullt.
Sipas relatores, kjo masë vlerësohet si ekstreme.
