Policia e kryeqytetit ka bërë gati planin e masave për protestën e 9-të opozitës e cila do të nisë në orën 20.00 të mbremjës së të premtes.
Megjithëse nga përfaqësuesit politik është deklaruar se nuk do të ketë dhunë, forcat e rendit kanë marrë të gjitha masat për të shmangur çdo incident të mundshëm.
Rreth 1500 efektivë do të jene të angazhuar në terren. Ndërsa siç është bërë e zakonshme tashmë kryeministria dhe parlamenti janë rrethuar me gardh metalik. E gjithë policia ka kaluar në gadishmeri të perforcuar po në gadishmeri kanë kaluar edhe efektivat e policisë së burgjeve.
Perfaqësuesit e opozitës kanë njoftuar drejtorine e policisë së Tiranës për një marshim proteste në të gjitha rrugët e kryeqytetit nga ora 20 deri në orën 23.59.
Ndërsa nga ana e policisë sërisht u është dhënë dy orë leje dhe vetëm në bulevardin kryesor, përgjigje që u është kthyer edhe në protesta të tjera po nuk është marrë parasysh nga organizatorët e protestës. Masat shtuar edhe për identifikimin e personave me precedentë pasi në rrugët kryesore janë ngritur postoblloqe për të kontrolluar automjetyet nga rrethet që vijnë në kryeqyet.
Në 8 protesta e mëparshme ka patur një numur të lartë të protestuarish të ndaluar shumica e te cilëve është liruar nga gjykata ndërsa rrth 20 vijojne te qëndrojnë ende ne masat arrest me burg.