Mblidhnin bimë mjekësore, si ranë gratë në lumin Vjosë

0
24

Kishin dalë si çdo ditë tjetër për të mbledhur bimë medicinale, por përpjekja e tyre përfundoi me pasoja të rënda për dy gra nga Këlcyra.  Dy gratë po tentonin të kalonin lumin Vjosë në momentin kur i ka rrëmbyer rrjedha dhe për pasojë njëra prej tyre humbi jetën dhe tjetra u transportua me urgjencë në spitalin e Gjirokastrës.

Shtetasja që humbi jetën është Eli Beqiri, rreth 50 vjeç, ndërsa Selime Shehu ndodhet nën kujdesin intensiv të mjekëve në spitalin e Gjirokastrës.

Kjo ngjarje e rëndë u regjistrua në fshatin Dragot, pothuajse në të njëjtin vend ku vetëm disa ditë më parë humbi jetën një 17-vjeçar nga Këlcyra. Mësohet se gratë kanë tentuar të kalojnë lumin dhe duke ndihmuar njëra-tjetrën i ka rrëmbyer rrjedha e lumit  Vjosë dhe për pasojë njëra prej tyre humbi jetën.