Aktori i madh humorit, Muhamet Liko, i cili u nda nga jeta një ditë më parë në moshën 64-vjeçare është përcjellë sot për në banesën e fundit nga familjarët, miqtë, kolegët e qindra qytetarë që e deshën dhe e duartrokitën.
Ndonëse me shumë plane për të ardhmen, zemra e parodistit, kripa e grupit të njohur vlonjat nuk mundi të duronte më duke i shkaktuar një dhimbje të madhe të gjithëve por sidomos familjarëve të tij.
Bashkëshortja, vajza, djali, mbesa e nipërit janë përballur papritur me ndarjen e njeriut të shtrenjtë. Vajza e Metit, Alkida rrëqeth me fjalët për të atin. Në një mesazh në rrjetet sociale, ajo e quan krenaria e forca e saj duke shprehur dhimbjen për humbjen e madhe.
“O jeta ime, o dritë o shpirt o dashuri e përjetshme, me helmove zemrën, me more jetën dhe mua. Të Dua pafundësisht shumë. Idhulli Krenaria ime Forca ime Jeta ime. U prehsh në Paqe o Engjëlli im”, shkruan vajza e aktorit të madh të skenës shqiptare.
