Kreu i Partisë Demokratike, Lulzim Basha, ka reaguar pas deklaratave të Kryeministrit Edi Rama, i cili u bëri thirrje sipërmarrësve të marrin punëtorë nga Bangladeshi, India dhe Afganistani.
Nëpërmjet një postimi në rrjetet sociale, Basha thotë s’e Rama i konsideron shqiptarët të zëvendësueshëm dhe nuk e shqetëson aspak shpopullimi.
Kujtojmë se Kryeministri Rama, i tha një pronari fasoneri gjatë një vizite që të marrë punëtorë nga Bangladeshi, Afganistani dhe India.
“Me këtë pagë që ke ti këtu i ke të sigurt punëtorët e huajt nga Bangladeshi nga Afganistani, nga India. I ke pronto, nuk dinë as shqip dhe nuk merren me thashetheme. Sa të fillojnë me mësu shqip, fillo ndërroi se i futet krimbi, jo politika, jo demokracia jo më the të thashë”, u shpreh Rama.
