Meta flet për datën e zgjedhjeve: Presidenti ta shpallë një orë e më parë! Nuk mbyll asnjë derë bashkëpunimi, kush ndjek axhendën e Edi Ramës…

0
46
Zjarr Televizion Ad This is a sample article. ...

Kryetari i Partisë së Lirisë, Ilir Meta ka deklaruar ditën e sotme se çdo datë që do të vendosë presidenti për datën e zgjedhjeve do të ketë mbështetjen e tij.

Meta deklaroi se nuk mbyll asnjë derë bashkëpunimi për opozitën por shtoi se shqiptarët e kanë të qartë se kush ka ndjekur axhendën e Edi Ramës duke luajtur me gjakun e demokratëve.

“Nesër është protesta e pedagogëve. Nuk ka protestë më kombëtare se ajo. Të gjithë duhet të tregojnë mbështetjen e tyre., Këta duan që pedagogët dhe studentët e mirë të largohen. Për këta nuk ka rëndësi asgjë tjetër përveç kontrollit të territorit. Nuk kanë këta as interesin për integrimin europian. Nuk bëjnë dhe shumë marrëzira të tjera. Do ishin bërë reformat në kohë.

Çdo datë gëzon mbështetjen tonë të plotë. Sot nuk kemi asnjë këshilltar të opozitës në ndonjë pushte vendor të ligjshëm. Unë kam qenë vetë president. Është detyra e tij të thërrasë dhe dëgjojë brenda hapësirave të tij. Unë i thashë presidentit të zbardhet dekreti një orë më parë që të gjithë ta dinë datën e zgjedhjeve. Dhe së dyti mbështes çdo vendim të tij.

Unë nuk mbyll asnjë derë se nuk është detyra ime as të mbyll dhe as të hap. Kam që në dy mars që jam në shesh përballë këtij regjimi. Si president kam qenë i vetëm me përkrahjen e popullit dhe njerëzve të ndershëm. Kam një forcë politike që pavarësisht nga traumat që ka kaluar ka një dinamikë që do të jetë spektakolare. Të gjithë mund ta gjykojnë ku qëndron njëri dhe tjetri në raport me opozitën. Ndjekin axhendën e Edi Ramës për të dobësuar opozitën.

Tani shqiptarët do orientohen shumë më lehtë. Për çdo bashkëpunim me Edi Ramën kur njerëzit janë rrahur nga policia re Edi Ramës, ajo është tradhti. Të luash me gjakun e njerëzve që kanë qenë në opozitë me Edi Ramën. Qytetarët këto i lexojnë shumë lehtë. Kam komunikim. Nuk kam ndërprerë komunikimin me askënd. Jam me të gjithë ata që duan të bëjnë opozitë të vërtetë. 8 vite janë shumë”, deklaroi Meta.

Zjarr Tv Ad