Presidenti Ilir Meta ka pritur sot në një takim në Presidencë, ish-zyrtarin amerikan Riçardh Grenell.
Meta thotë se Grenell, i cili më herët u takua edhe me kryeministrin Edi Rama, punon për promovimin e investimeve amerikane dhe bashkëpunimin ekonomik në rajon.
“Ështe kënaqësi të takoja këtë mëngjes Ambasadorin Grenell. Mbështes përpjekjet e tij të vazhdueshme për të promovuar investimet amerikane dhe bashkëpunimin ekonomik në rajon, si e vetmja mënyrë për të garantuar mirëqenie për të gjithë qytetarët tanë dhe veçanërisht brezin e ri.
Përpara vizitës të tij në Jug të vendit i dhurova librin “Albania from the Air”, një botim i veçantë mbi mrekullitë natyrore shqiptare, pasi jam i sigurt se herën tjetër ai do të shpenzojë më shumë kohë për të eksploruar Shqipërinë tonë të bukur”, shprehet Meta.
