Minatorët protestë për statusin, ministrja Balluku nuk dërgon draftin te Financat

0
12
Zjarr Televizion Ad This is a sample article. ...

Statusi i minatorëve vijon të mbahet pezull nga ministrja Belinda Balluku, e cila nuk e ka përcjellë draftin dhe propozimet e tyre në ministrinë e Financave. Ndërkohë, që minatorët vijojnë me protestat afati i vendosur për miratimin e statusit në fund të shkurtit tashmë ka kaluar me disa muaj duke e lënë çështjen të pazgjidhur.

Ministrja e Energjitikës Belinda Balluku vijon të mbajë pezull statusin e minatorit. Drafti për statusin e punonjësve të sektorit të minierave i propozuar prej minatorëve nuk është përcjellë ende nga Ministria e Energjitikës në Ministrinë e Financave, siç ishte premtuar duke e lenë në ngërç situatën e tyre . Ndërsa vetë minatorët, vazhdojnë të protestojnë për të kërkuar të drejtën që iu është premtuar më parë.

“Për statusin kemi ardhur. Nuk e miratojnë dot ata, ne kërkojmë të drejtën tonë”

Minatorët i kërkuan Qeverisë të mos heshtë më për këtë çështje.

“Po vuajmë në mënyrë barbare, prandaj bëjmë thirrje dil djhe bisedo me minatorët”

Edhe pse u premtua se do të miratohej në fund të shkurtit të këtij viti, statusi i minatorit duket ende një premtim i largët, jo vetëm për personat që shpresojnë për të, por edhe për ata që vijojnë ende të punojnë nën tokë.

 

Zjarr Tv Ad